Браќата Џекови од Струмица кои настапуваат за кратовски Силекс утревечер на националната арена во Скопје против Шкендија ќе играат за КУП титула. Голманот Љупче и дефанзивецот Ѓорѓи се очекува да бидат дел од тимот на Васоски за утрешната пресметка со тетовчани и преку Купот да се најдат повторно на европската сцена.
Младите струмичани во Силекс се веќе трета сезона. Стандардни играчи во првиот тим и стандардни во младинската фудбалска репрезентација на Македонија. За Дрнка МК кажаа дека ќе дадат максимум од себе со цел да се освои КУП титулата и да ја заокружат оваа сезона која ја сместија како добра. кои се повече го привлекуваат вниманието на фудбалските работници.
Силекс шампионатот го заврши на четвртата позиција. Тренерот Александар Васоски очекува тежок и неизвесен дуел против искусниот состав на Шкендија.
„За нас ова е натпревар на сезоната, бидејќи носи излез во Европа. Шкендија е квалитетен и искусен противник, можеби и во мала предност поради европските натпревари што ги има одиграно. Но, ќе се обидеме да ги искористиме сите слабости што ќе ни се понудат. Која би била предноста на Силекс? Според мене, тоа е што Шкендија има одиграно 54 мечеви сезонава. Посакувам добро финале и нека победи подобриот“, изјави Васоски.
Младите струмичани беа дел и во подкастот ,,Гласот на младите“ на Дрнка МК портал каде кажаа дека целта им е да заиграт во големи клубови а со македонската репрезентација да бидат дел од големо натпреварување
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
