Џио Струмица есенски Шампион – во големото дерби го надигра Универзитет Тетово со 3:0

625

Одбојкарите на Џио Струмица со одлична игра го надигра  Универзитет Тетово со 3:0 во сетови и остана на лидерското место на прволигашката табела но сега со три бода предност пред тетовчани кои се наметнуваат како главни претенденти за титулата

Џио одигра фантастично во спротската сала Парк. Покажаа дека имаат квалитет во сопствените редови и не дозволија на гостите да се радуваат барем на еден сет. Универзитет Тетово во финишот од првиот сет имаше предност од 3 поени, но домаќините направија серија од 7:0 и го добија со 25:23.

Во вториот сет струмичани беа тие што го диктираа и резултатот и играта на терен. Тетовчани во ниту едне момент немаа предност. Со 25:22 струмичани поведоа со 2:0. Идентично беше и во третиот сет кога Џио докажа дека нема конкуренција па со 25:22.

Џио Струмица, Универзитет Тетово, Вардар од Скопје и Борец од Велес се четирите екипи кои ќе играат за титула.Тие ќе вкрстат и во полуфиналето од разигрувањето, но претходно ќе одиграат четирикружно во Втората фаза -1, вкупно 12 кола, секој со секого дома и на гости по двапати, а на тој начин ќе одредат кој од која позиција ќе почне во елиминацискиот дел.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.