Ќе се реконструира Филтер станицата Ташли Баир, Општина Василево обезбеди пари и најави решавање на проблемот со водата

852

Општина Василево обезбеди 2 милиони денари за реконструкција на Филтер станицата Ташли Баир од која со вода за пиење се снабдуваат домакинствата од Василево, Градашорци, Ангелци и Едрениково. Првиот човек на општината Славе Андонов склучи Договор со Министерството за животна средина откако аплицираше со проект за реконструкција на станицата изградена од 2006 година. Според најавите од градоначалникто се работи уште на еден проект и тоа за промена на кварцната песок се со цел жителите од овие населени места да добијат квалитетна вода за пиење бидејки овој проблем се провлекува со години

„Обезбедивме средства за реконструкција на филтер станицата ,,Ташли баир“.  Моето ветување го исполнувам. Постепено но сигурно работиме населените места во општина Василево да добијат чиста вода за пиење. Конечно ќе почнеме со темелно решавање на проблемот со вода за пиење во општина Василево. Се надеваме дека со уште еден проект за промена на кварцната песок во станицата кој не е променета од самата изградба 2006, кончено ќе се реши проблемот со водата за пиење,, изјави Славе Андонов градоначалник на Василево

Од филтер станицата Ташли Баир со вода за пиење се снабдуваат жителите од населените места Василево, Ангелци, Градашорци, Едрениково односно околу 1550 домаќинство со  над  4,5 илјади жители.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.