Мостот на реката Турија кој ја поврзува општина Струмица со соседната Босилово а преку неа и Василево кај населеното место Просениково почна да се гради. Станува збор за мост кој беше урнисан од поплавите пред неполна деценија а беше клучен за сообраќајно поврзување на Просениково од општина Струмица со населените места Сарај и Гечерлија од општина Босилово и Чанаклија од општина Василево. За негова изградба жителте од овој регион честопати реагираа бидејки преку мостот имаа и пристап до своите обработливи површини
,, Решаваме повеќегодишен проблем и исполнуваме едно повеќегодишно барање на нашите сограѓани од Просениково и обезбедуваме сообраќајно поврзување на три општини Струмица, Босилово и Василево. Овој проект го сработи општина Струмица бидејќи се наоѓа на нејзина територија, го аплициравме преку Центарот за развој на Југоисточниот плански регион кој на Советот беше изгласан како приоритетен и се аплицираше во Бирото за регионален развој од каде што успеавме да обезбедиме средства во висина од околу 10 милиони денари, а останатите повеќе од 4,5 милиони денари ги обезбедува општина Струмица вклучително и претходното проектирање и обезбедување надзор,, рече Јаневски
Новиот мост ќе биде долг 25 метри со ширина од 8 метри. За сообраќајните ленти се предвидени 6 а останатите два метри за пешачки патеки. Од двете страни на мостот ќе се изгради и пристап до мостото од по 100 метри . Мостот го гради фирмата Жикол од Струмица кој достави најниска цена на распишаниот тендер.
Првиот човек на Струмица Коста Јаневски кажа дека во Просениково во наредниот период ќе се санираат и дупките на патот. Заради изведбата на канализација добар дел од уличната мрежа во Просениково е оштетена па како општина ќе пристапат да го решаваат овој проблем
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
