Ѕвездата на електронската музика Махмут Орхан на „Д-фест“ во Дојран, неговиот хит ,,Feel’’ со 350 милиони прегледи на јутјуб

385

Освојувачот на светските топ-листи, ова лето ќе ја освои и главната бина на „Д-фестивал 2019“ в сабота, на 13 јули.Махмут Орхан, истанбулски продуцент и диџеј, во моментот е еден од водечките ѕвезди на електронската музика. Неговиот мегахит „Feel“ доживеа планетарен успех и се искачи на врвот на светските топ листи. Песната на Јутјуб има преку 350 милиони прегледи. Со недели „Feel“ беше најпродавана на онлајн-продавницата „Beatport“, како и меѓу најпродаваните песни на сервисот Ајтјунс во повеќе од 20 земји.

Неговата музика претставува комбинација од дип-хаус, инди-денс и совршено ги претставува културните корени на Махмут. Кариерата на оваа турска суперѕвезда доживеа експанзија во последните години по објавување на песните на видеосервисите кои имаат над една милијарда прегледи. Токму поради тоа Махмут Орхан го споредуваат со Робин Шулц и „Lost Frequenc“, пишува Независен.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.