Пожарот кој избувна на депонијата Шапкар кај струмичко Добрашинци е ставен под контрола, но екипи на струмички Комуналец и на Противпожарната единица сеуште се на терен, со цел да се спречи негово повторно активирање и проширување. Засега не се знаат причините за пожарот кој предизвика паника кај жителите од околните села, заради огромниот црн чад што се крена над депонијата
Директорот на ЈПКД Комуналец Зоран Ѓоргиев вели дека не се знаат причините за пожарот, но депонијата или можела да се самозапали или пак да биде предизвикан од човечки фактор бидејки во непосредна близина имало живеалишта со свињи.
Градоначалникот на Василево Марјан Јанев истакна дека сите одгледувалишта на свињи во непосредна близина на депонијата ќе бидат остранети согласно препораките на Владата заради појавата на болеста африканска чума.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
