На влезот во Радовиш од кај планината Плачковица на улицата ,,Коџа баир’’ денеска е фатен дрвокрадец како пренесува околу 2 кубика буково огревно дрво натоварено на запрежно возило. Станува збор за радовишанец кој бесправно вршел сеча на огревно дрво во планината Плачковица најверојатно за сопствени потреби или пак за препродажба. Според информациите го фатиле во претпладневните часови во акција на шумската полиција и припадници на полициската станица од Радовиш.
На местото на настанот пристигна и првиот човек на Радовиш Герасим Конзулов кој уште еднаш упати апел да не се уништува шумскиот фонд на Плачковица и граѓаните да се снабдуваат со легални дрва преку подружницата на Национални шуми во Радовиш и сите заеднички да му стават крај на дрвокрадството или нелегалната сеча на огревни дрва.
,, Завчера имавме состанок со сите институции кои се директно одговорни за овој проблем и се сложивме да се засилат контролите како во шумските појаси така и на сите патишта. Паралалено ќе има контроли и по дворовите на радовишани за да се утврди потеклото на огревните дрва. Ако се бесправно набавени ќе бидат одземени. Мора сите заедно да придонесеме во сузбивањето или минимизирањето на дрвокрадството во Радовиш.
Пред три дена радовишката полиција во соработка со вработени од шумската полиција откри огревни дрва на приватен имот кои биле бесправно сечени, соопшти СВР Струмица. Огревните дрва се одземени а против 62 годишен радовишанец ќе биде поднесена соодветна пријава
Фото: www.radovisnews
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
