Струмичките ракометари без пораз во новата плеј аут лига – Астраион цврсто го држи првото место !

254

Ракометарите на Астраион Хендбол од Струмица забележаа нова победа во плеј аут првата лига и останаа на лидерското место во ова ново друштво. Во салата Парк во Струмица го надиграа Преспа 2015 со резултат 26:22 со што потврдија дека се еден од најдобрите тимови во новоформираната лига која брои 9 екипи. По четири одработени кола струмичките ракометари немаат пораз и од натпревар во натпревар покажуваат одлични партии и се предводници на останатите екипи.

Против Преспа 2015 во ниту еден момент не потклекнаа. Постојано имаа контрола на резултатот иако гостите од Ресен постојано се закануваа. Осетна предност направија во последната четвртина од мечот кога имаа предност од пет гола 21:16 и 25:19 на 6 минути до крајот на мечот. Преспа 2015 се обиде да фати резултатски приклучок но младите струмичани не дозволија да ја испуштат победата откако во претходните  кола ги ,,решија,, Борец и Партизан од Гевгелија

Марко Стојанов со 7 гола беше најефикасен на теренот. Васко Стојанов запиша 6 а Александар Цонев постигна 5 гола во мрежата на составот од Ресен. Меѓу стрелците беа и Дарко Кантраџиев со 4 Стојан Стојанов со 3 и Миливој Котевски

РК Астраион Хендбол кој ги пренесе како сите други тимови бодовите од првиот дел на првенството, сега има 24 бода два повеќе од Металург РА и Македонија ЃП

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.