Управата на КК Струмица кој настапува во Втора Лига Исток во однос на продолжување на првенството смета дека најдобрите второлигашки екипи од источното и западното друштво да одиграт завршен турнир и најдобрите две обезбедат пласман во кошаркарската елита. КК Струмица е второпласиран тим со натпревар помалку во источното друштво и според нив најдобро преку “Final Eight” да се изборат тимовите кои имаат прволигашки амбции, секако доколку дозволат условите поради кризата со коронавирусот
,,Да се организира “Final Eight” со екипи од моменталната ситуација во двете групи, односно да вкрстат првите четири екипи од исток со првите четири екипи од запад. Сети тоа да се одигра во еден викенд ( петок, сабота и недела) и да биде по еден натпревар четвртфинале, полуфинале и финале како што и беше планирана завршницата во Втора Лига. Финалниот турнир да се одигра во сала “Кале” без присуство на публика и каде што не би имале трошоци за плаќање на сала, а трошоците за судии и делегати да си ги поделат клубовите’’ се вели во соопштението од КК Струмица од каде сметат дека тој турнир требаа да се одигра до 30 јуни ако не најдобрите двата тима од двете друштва да добијат прволигашки билет
,,Исто така наше мислење е дека сето ова треба да се организира најдоцна до 30.06.2020год, нормално доколку условите со пандемијата го дозволат тоа. Во случај да нема можност до 30.06.2020 год. да се одигра овој финален турнир тогаш наш предлог е во Прва Лига да влезат моментално првопласираните екипи од исток ТФТ од Скопје и запад Црн Дрим од Струга, а да се задржи распоредот на табелата на другите екипи за да може да се примени при распределбата на ваучерите за наредната година. Исто така наше мислење е дека младинските лиги треба да се прекинат и да нема нивно продолжување’’, се вели во ставот на КК Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
