Струмица има нова генерација златни одбојкари, младите на ОК Струмица – ШАМПИОНИ (фото)

642

Младинскиот состав на ОК Струмица се закити со Шампионска титула откако на завршниот турнир во Велес во полуфиналето беше подобар од Работнички од Скопје а во финалето славеа против ГОК Борец со 3:0 во сетови (25:17, 25:19,25:20)

Со оваа струмичкиот прволигаш ја продолжи низата на титули имајки во предвид дека прво се радуваа пионерите, па сениорите а сега и младинците. Станува збор за нова златна генерација која беше неприкосновена ова сезона.

Филип Грковски, Филип Станков, Јован Милев, Ване Арапов, Лука Глигоров, Христијан Смилков, Крсте Милков, Антонио Ѓоргиев, Трајче Коцев, Томе Пецев, Стефан Николов, Иван Иванов и  Васко Мицев се момците кои го кренаа Шампионскиот пехар во младинска конкуренција на Македонија а кои за некоја сезона ќе го носат товарот во сениорска конкуренција

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.