Струмица заслужува да има сениорски клуб во кошарка за децата и публиката, вели Илиевски кој влегува во КК Струмица

659

Струмичката кошарка во сениорска конкуренција последниве години стагнира. Од град со своевремно два клуба, град со кошаркарска титула не е во ред да нема сениорски клуб каде децата ќе можат да се докажуваат. Тоа ме боли како струмичаенц и затоа сакам да помогнам,, Вака ни изјави струмичката кошаркарска легенда Владо Илиевски по веста дека тој лично влегува во КК Струмица за да општина Струмица како спортски град има тим во сениорска конкуренција

,, Едноставно почуствував обврска и одговорност како личност која потекнува од струмичката кошарка, да се вклучам  и бидам фактор на обединување. Сакам Струмица повторно да се врати на кошаркарската мапа, бидејки има потенцијал. Со мојот кредибилитет ќе се обидам да тргнат работите на подобро и Струмица да се врати на старите кошаркарски патеки, пред се за децата кои тренираат оти не е во ред да се нема сениорски клуб каде ќе можат да градат кариери и да се усовршуваат,, ни изјави Владо Илиевски

Илиевски  потврди дека во неколку наврати имал средба со првиот човек на општина Струмица Коста Јаневски со кого е разговарано на ова тема. Добил позитивни сигнали од општината која била на иста линија дека Струмица мора да има сениорски клуб во Втората кошаркарска лига.

,, Се договоривме да тргнат работите од мртва точка и да се дигне нивото на кошарката во Струмица на повисок ранг како за децата така и за публиката. Влегувам во клубот, оти сакам со моите познанства, врски, пријателства, искуство да дадам позитивен импулс на напорите Струмица да добие сениорски кошаркарски клуб. Веќе разговарав и со неколку поранешни кошаркарски работници, кои се согласија да почнеме да градиме нова страница. Од општината добивме поддршка и работиме, наесен Струмица да има второлигаш. Како што реков и претходно ова нема да биде клуб на Влад, туку Владо ќе се обиде со својот кредибилитет да се изгради цврста основа за еден сениорски клуб кој ќе има и погони во младинска конкуренција а за што добив поддршка и од Федерацијата,, ни одговори Илиевски кој рече дека тој заради овој проект почесто ќе доага од Словенија во Струмица

фото Екипа

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.