За Нова година и Божиќ во Струмица ќе биде украсен само плоштадот а не и целиот град. Ваква одлука донесоа струмичките советници прифаќајки го предлогот на градоначалникто Костадин Костадинов да се скратат парите за ова намена за речиси 75 одсто, заради енергетската криза. Во Буџетот за новогодишно украсување беа планирани 1,5 милиони денари или околу 22 илајди евра а со новата одлука за таа намена ќе се потрошат максимум 400 илјади денари или неполни 7 илјади евра.
Зад ваквиот предлог застанаа сите советници кои сметаат дека за празниците треба да има колку толку позитивна атмосфера во Струмица но од друга страна мора да има заштеди на енергијата во услови кога се заканува се поизразена енергетска криза. Од таа причина беа дадени и сугестии препораки до физичките и правните лица да прават заштеди при користење на енергијата но и да не се осветлува еко паркот изграден годинава.
,, Според мене лично и како граѓанин би сакал да ја видам општината украсена, но од друга страна имаме европска енергетска криза заради која Владата има донесено и кризна состојба, затоа сметам и предлагам до Советот да биде донесена одлука да биде украсен само плоштадот,, кажа Костадинов
Средствата што беа планирани за новогодишно украсување на Струмица, Советот ги пренасочи за проектите од Програмата за уредување на градежното земјиште.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
