Стоматолошки ординации и фирми донираа заштитна опрема и средства за вработените во ЈЗУ Здравствен Дом – Струмица

3030

ЈЗУ Здравствен Дом Струмица преку својата официјална ФБ страна упати благодарност до фирмите и стоматолошките ординации кои изминатиов период донираа заштитна опрема за потребите на здравствените работници од ова установа. Во рамките на своите можности овие стоматолошки ординации и фирми донираа заштитни маски, визири, скафандери, средства за дезинфекција, заштитни ракавици, детергенти и други продукти за персоналот ЈЗУ Здравствен Dом во чии рамки е и Брзата помош.

Станува збор за фирмите „Изолмак Фибран“ ДОО, „Тритекст Трејд“, „Kolid S Team“, „Тимас“ ДООЕЛ Струмица, „Фико Пласт“, „Златен Даб – Прилепска пиварница’’,  АД во Струмица, „Индустри Сервис“ Скопје, „Мултихем“ Струмица  како и приватните стоматолошки ординации „Dentomak“ (Д-р Рони Банова), ПЗУ „Д-р Марина Абрашева“, ПЗУ „Д-р Кирил Ахтаров“, ПЗУ „Зебеков“ Струмица, ПЗУ „АМИ“, ПЗУ „Д-р Бајректаров“ Струмица , „А-Дент“, ПЗУ „Д-р Гудица Малинова“,  ПЗУ „Д-р Билјана Проданова“, ПЗУ „Д-р Мери Матушко“, ПЗУ „Д-р Жан“ и Комората на стоматолози .

„Голема благодарност за хуманиот и несебичен гест од страна на сите компании и стоматолози коишто направија хумана донација со достава на заштитни маски, визири, скафандери, средства за дезинфекција, заштитни ракавици, сјаеви и ред други реквизити за нашите вработени, кои во овие моменти се нашите херојски ангели“, објави ЈЗУ Здравствен Дом Струмица со директорката Љубица Митева

ЈЗУ Здравствен Дом – Струмица јавно упати и благодарност за хуманиот и добронасочениот гест од страна на ФК Академија Пандев, Ви благодариме за издвоените парични средства што ги дониравте во нашата болница со цел да се искористат за ресурси за заштита од КОВИД-19.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.