Средното училиште од Гевгелија и 8 основни од Југоистокот добија грантови од МОН

3423

Средното општинско училиште ,,Јосиф Јосифовски’’ е едно од  училиштата во земјава кои ќе добијат грант од министерството за образование и наука за спроведување на активности кои ќе бидат во насока за градење на мултиетничките вредности. По распишаниот Јавен повик за доделување средства кои ќе придонесуваат за развој и унапредување на мултикултурализмот, меѓуетничката интеграција и толеранција, средното училиште од Гевгелија е меѓу рангираните за грант.

Паралалено  грантови добија и општински основни училиште од Југоистокот кои своите активности ќе ги реализираат самостојно или пак во соработка со други основни училиште. Средства ќе добијат и ОУ ,,Јосип Броз Тито’’ од Валандово, ОУ ,,Страшо Пинџур’’ од Јосифово, радовишките основни училиште ,,Никола Карев’’ и ,,Крсте Петков Мисирков’’,  потоа основното училиште ,,Климент Охридски’’ од Миравци,ОУ ,,Кочо Рацин“ од Дојран,  ОУ ,,Гоце Делчев’’ од Конче и ОУ ,,Даме Груев’’ од Куклиш општина Струмица

,,Основната цел на овие грантови е промовирање на добрите практики за активности во кои се негуваат хармонични односи кои се темелат на почитување на разликите и притоа градејќи едно мултиетничко и мултикултурно општество, со што се овозможува градење на современи, успешни и ефективни воспитно-образовни установи кои ќе ги промовираат мултиетничките и мултикултурните вредности, индивидуализираниот пристап кон учениците, позитивна емоционална клима и конструктивна повеќенасочна комуникација во пријатен и поттикнувачки училишен амбиент’’, стои во информацијата од министерството за образование и наука кои ги објави и конечните листа на грантисти кои можете да ги видете ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.