Цела недела ни трага ни глас од 28 годишната Марија Брзакова од Босилово по која изминативе седум дена интензивно се трага со полиција. Денеска се вклучија граѓани и членови на ловните друштва кои ги пребаруваа сите канали, речни користа и вештачки акумулации во овој регион. Беа поделени во повеќе групи во обид да се пронајде Марија но денешната потрага не вродиla со плод
Марија Брзакова е сопруга и мајка која минатата сабота излегла од сопствениот дом во Босилово по што и се губи секаква трага. Струмичката полиција потврди дека Марија се води како исчезната, откако нејзиниот сопруг во понеделникот пријавил дека ја нема
“На 20.01.2020 во 15.20 часот во Полициска станица Струмица Б.Б.(29) од село Босилово пријавил дека од нивниот семеен дом во с.Босилово се оддалечила неговата сопруга М.Б.(28). Полициската станица Струмица ги превзема сите мерки за пронаоѓање на лицето. ” – се вели во информацијата на полицијата.
Дваесет и осумгодишната Марија Брзакова исчезнала во утринските часови на 18-ти овој месец пренесоа медиумите. Била облечена во тренерки во темна боја. Со себе не носела мобилен или каков било документ. Висока е околу 160 сантиметри. Најблиските и полицијата апелира доколку ја забележат да пријават на 192
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
