Селектирај и биди наградуван, иновативна идеја во Валандово од селекција на отпад до добивање пари !

570

Граѓаните на општина Валандово ќе имаат можност преку селекција на отпад кои ќе го пријавуват преку мобилна апликација до ЈП Комунален сервис да добијат парични награди. Станува збор за иновативна идеја на Марио Томов кој создаде мобилна апликација со која може да се алармира до комуналното дека неговите ќеси со пластика или хартија се полни за да бидат подигнати скенирајки го кодот од ќесите.  Доколку лицето правилно го селектира отпадот во ќесите ќе добива по 35 пеони од ќеса а на крајот на месецот може да добие награда од 2 000 денари.

,, Процесот на селектирање отпад емногу лесен и едноставен. Најпрво треба да се симне апликацијата од play store и app store. Потоа се креира профил со точни податоци  и адреса.  Првата кеса за селектирање треба да се подигне од комуналното претпријатие за да се евидентира корисникот. Секоја наредна кеса се подига при предаање на полната а ги има два вида: жолтата во која се селектира пластика и лименки а во сината хартија,, објаснува Томов

Информации во врска со тоа што е дозволено за селекција а што забрането има на самата апликација која може да се имне ТУКА  конкретизира младиот  Томов кој го објаси и процесто како да се финишира со предавањето на селектираниот отпад и како да се добијат поени за награда

,,Кога е полна кесата се закажува термин за предавање на отпадот со скенирање на QR кодот кој е залепен на кесата. Во делот “селектирај” или “закажи” има предвидено термини и локации, каде и во колку часот ќе биде присутен собирачот. Со кликање на терминот се отвора камера преку која се скенира QR кодот и со тоа му се дава информациjа комуналното претпријатие дека кесата е спремна за собирање.  Кога кесата пристигнува во предвиденото место за складирање на отпадот на корисникот му се префрлуваат 35 поени за секоја селектирана кеса. Тие поени се собираат на месечно ниво и првите 5 селектирачи се наградуваат со парични награди. Но, доколку отпадот не е правилно селектиран нема поени,, информираше Томов

Ова мобилна апликација и проект има за цел зачувување на животната средина но и заработка од отпадот кој може да се користи како секундарна суровина бидејки добар дел од компаниите ја обработуваат пластиката и хартијата. На тој начин отпадот не завршува на депониите и ја загадува животната средина

,,Селектирањето на отпадот е многу важен процес бидејќи еднаш смешаниот отпад веќе не може да се рециклира.Со рециклирањето на отпадот решаваме повеќе општестени проблеми, меѓу кои  најважен е зачувување на животната средина и природата.Исто така ова е мал придонес во борбата со глобалното затоплување кој е најголемиот предизвик на денешницата.Да направиме сите мал чекор кон подобро утре.Да селектираме отпад,, вели Томов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.