СДСМ предлага наредните 2 месеци вработените во јавниот сектор и функционерите да земаат минимална плата

2140

Владеачката СДСМ ќе предложи на Владата, вработените во јавниот сектор да земаат минимална плата од 14 500 денари. Минимална плата да добиваат и функционерите и народните избраници. Ова е една од предлог мерките за спас на на економијата од корона кризата што ги соопшти лидерот на СДСМ Зоран Заев а ќе бидат доставени до Владата. Овој предлог нема да важи за вработените во здравството, полицијата и одбраната потенцираше Заев кој меѓудругото предложи и други мерки за да се преброди ова криза и да се зачува секое работно место во земјава

„Сите функционери и раководители одат на минимална плата. Пратеници, премиерот, вицепремиерите, градоначалници судии и обвинители за април и мај ќе земат минимална плата. Исто така и јавната администрација и на државно и на локално ниво. Оваа мерка не важи за лекарите и медицинскиот и помошен персонал, за полицајците и војниците и тие што им помагаат“, рече Заев кој подвлече дека ова држава е изградена на принципите за солидарност и меѓусебно помагање

Претседателите и членовите на советите на општините, како што најави ќе работат без надомест, исто како членовите на управните одбори, а парите ќе одат во фондот за борба против коронавирусот. Државна помош се предлага и за медиумските работници, уметниците, спортистите……

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.