Денеска и утре во подрачните канцеларии на Агенцијата за вработување во Југоистокот може да се подигнат ваучерите за инвертер клими што ги доделува државата по распишаниот повик од февруари годинава. Во 10 те општини од Југоистокот ваучери добија вкупно 167 лица односно домакинства. Од нив 74 се ранливи категории домакинства со еден, два, три четири и пет члена семејство кои имаат ограничени приходи. Во зависнот од бројот на членови на домакинствата тие ќе добијат од 27 до 30 илјади денари. Останатите 93 лица или домакинства ќе добијат по 23 илјади.
Според приложените списоци во Радовиш и Струмица се доделени по 54 ваучери. Во Радовиш 35 ваучери за лица кои имаат примања и ќе добијат по 23 илјади денари додека 19 домакинства се од ранлива категорија и тие ќе добијат од 27 до 30 ијади денари.
Во Струмица 25 лица ќе добијат ваучери од 23 илјади додека 29 лица може да добијат и до 500 евра во зависност колку члена се како домаќинсто со ограничени приходи.
Во Гевгелија ваучери ќе добијат 25 лица. 13 се од програмата потикнување енергетска ефикасност и ќе добијат по 23 додека останатите 12 се ранливи категории потрошувачи.
Во Валандово ваучери добија 18 лица од кои 6 се ранливата категорија граѓани. Во Богданци пари за инвертер клими ќе добијат 8 лица по четири во двете категории а во Василево3, Босилово 2 и Конче и Ново Село по едно лице.
Списоците кои се добија ваучери може да се виде ТУКА
Инаку на почетокот на февруари годинава беше распишан повикот за доделување на ваучери за инвертер клими. Беше најавено дека ќе бидат доделни околу 7 000 ваучери како за ранливи категории граѓани со ограничени приходи така и за домакинства кои имаат редовни приходи. Со оглед дека постапката беше прв дојден прв услужен граѓаните од Југоистокот реагираа дека со повикот се форсира Скопскиот регион. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
