Целодневното изложување на сонце и на големиот индекс на УВ зрачење се најголемата причина за појава на карцином на кожа заради што сите граѓани треба да бидат внимателни. Вака алармираат дерматолозите во овој период кога температурите достигнуваат над 40 тиот целзиусов степен а голем број граѓани се на летување или пак ги извршуваат земјоделските работи.
Статистиката на Универзитетската клиника за Пластична и реконструктивна хирургија од Скопје покажува дека Југоистокот спаѓа во регионите каде во последниве десет години расте бројот на пациентите со меланом на кожата односно бројот на пациентите кои биле на хируршки третмани на меланом на кожа е удвоен. Колку за илустрација во 2006 биле оперирани само 66 пациенти додека лани дури 134 што во медицината е огромен раст.
Дерматолозите тврдат дека посебно треба да внимава младата популација претежно до 15 до 30 годишна возраст која се изложува на сонце или пак често користи солариуми. Билјана Ахтарова специјалист од дерматовенерологија од ПЗУ ,,Примадерма’’ од Струмица тврди дека при било каква промена на кожата како најосетлива веднаш да се консултира лекар
,, Доколку дојде до било каква промена на кожата,односно промена на боја, форма и големина на веќе постоечките бемки или појава на нови , кои претходно не постоеле , треба веднаш да се побара помош од дерматолог за соодветен дермоскопски преглед. Значи граѓаните треба во летниот период да се трудат да ја намалат експозицијата на УВ зрачењето односно да носат лесна облека, шапки, очила за сонце, да ставаат заштитен фактор за кожа . Да се избегнува често одење во солариум,, вели д-р Билјана Ахтарова од ПЗУ Примадерма која беше дел од кампањата во борбата против меланом на кожата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
