Во рамките на седмото првенствено коло од Првата женска одбојкарска лига утре (18.11) во салата на СОУ „Димитар Влахов“ ќе се одржи првото градско соочување меѓу екипите на Наковски волеј и Струмица жени за оваа пренствена сезона. Дерби натпревар на колото, бидејки се среќаваат двете водечки екипи кои по шест кола имаат максимален учинок . Токму утрешната меѓусебна пресметка, ќе даде јасен одговор кој ќе ја превзеде лидерската позиција во женскиот одбојкарски шампионат.
Наковски волеј е домаќин и најдобриот тим на прволигашката табела. Стратегот Хари Наковски вели ќе утрешниот натпревар ќе биде доста тежок во кој ќе одлучуваат нијанси и желбата за докажување. Според него девојките од неговиот тим се подготвени за продолжување на победничката серија.
На нова победа ќе атакува и Струмица жени. Тие се втори на табелата со бод помалку од градските ривалки. Го имаат српското трио кое досега се покажа како,,мотор“ на играта и полн погодок. Велаат дека утре ќе одлучува мотивацијата иако притисокот е евидентен кај двата тима бидејки се игра пред своја публика.
Дерби натпреварот меѓу Наквоски волеј и Струмица жени е закажано во 18 часот во салата на СОУ Димитар Влахов во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
