Почна со работа Радио Марија кое ќе емитува програма од Струмица, Бискупот Стојанов сака Божјото слово да стаса во секоја куќа

1141

Со благослов на Д-р Киро Стојанов бискуп на скопската бискупија и Апостолски Егзарх на Католичката црква во земјава од денеска и официјално започна со работа Радио Марија Македонија кое ќе емитува 24 часовна програма на фрекфенцијата FM 106,5 MHz. Станува збор за верско непрофитно радио на Католичката заедница преку кое ќе се пренесува Божјото слово до верниците но и можност верниците да ги споделат своите проблеми и потреби преку разновидните отоврени емисии на Радио Марија.

,, Главна цел на оваа радио е: Божјото слово во секоја куќа. На овој начин навестувањето на спасението доаѓа и до болните и немоќните и до оние кои Бога го познаваат, но и до оние кои Бога искрено го бараат. Нашата програма е исклучиво верска и исклучиво се потпира на Вас, драги слушатели“, рече во своето обраќање д-р Киро Стојанов.

Студиото на Радио Марија Македонија  се наоѓа во административната зграда на Католичката црква „Св. Иван Крстител“ во Струмица. Студио има и во Скопје. На програмата може да се слушнат молитви за секакви намени, вести, отворено- контактни емисии но и фолк и забавна исклучиво македонска музика

,, Секој ден имаме една посебна група на наши слушатели во нашите молитви и сметаме дека е многу важно за луѓето да се молиме. Втор дел од концептот на Радио Марија е навестување на словото Божјо во кое ќе говориме за конкретни работи од црквата, од евангелието, од светите тајни, и третиот дел е од секојдневните работи коишто не погодуваат сите нас“ – вели отец Гоце Костов, директор на Радио Марија кое може да се слуша и на интернет на www.radiomarija.mk 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.