Пожарникарите од Струмица, Гевгелија, Радовиш и Валандово ќе добијат униформи и опрема за гасење шумски пожари

1012

Вкупно 112 пожарникари во четирите противпожарни единици во Струмица, Радовиш, Гевгелија и Валандово ќе добијат нова опрема и униформи со кои ќе интервенираат при шумски пожари. Набавката на новите одела ќе ја реализира Центарот за развој на Југоисточниот плански регион со европски пари од проектот ,,Прекугранична соработка во справување со шумски пожари’’ бидејки сите пожарникари од Југоистокот користат еден тип на униформи, иако треба да поседуваат посебни за пожари во урбани средини и посебни при шумски пожари.

,, Постојат два типа на одела за гаснење на пожари. Сите наши противпожарни единици ги имаат оделата за гасење во урбани средини кои се несоодветни и далеку потешки од оние што треба да се користат при интервенција на шумски пожари. Со истите ќе се унапреди безбедноста и функционалноста на пожарникарите од регионот и нивен навремен и соодветен одговор против шумските пожари. Инаку со проектот се планира да се набават и пумпи, противпожарни црева и моторни пили за сите четири едници во регионот,, кажа Жулиета Ѓуркова директорка на Центарот

Проектот планира иницирање на волонтерски противпожарни здруженија во Југоистокот. Во моментов постојат само две и тоа во општините Дојран и Конче кои функционираат како доброволни противпожарни друштва. Се планира да се креира и прекугранична мрежа за спречување и одговор на опасности по природата и животната средина во прекуграничниот регион. Проектот се имплементира во соработка со Асоцијацијата на Југозападни општини од Благоевград – Бугарија

Вкупната вредност на овој проект изнесува околу 395 илјади евра од кои 198 илјади ќе бидат искористени за набавката на оделата и опремата за пожарникарите во Југоисточниот регион за кои се планирани и посебни обуки од страна на мегународни сертифицирани едукатори.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.