Подари, израдувај некого – учениците од Никола Карев Струмица со акција за донирање матурски фустани и костими

644

СОУ ,,Никола Карев’’ од Струмица објави дека на иницијатива на учениците, организираат хуманитарна акција за да се помогне на завршните средношколци да се чуствуваат удобно за време на матурските прослави.  Апелираат до сите претходни ученици и хумани луѓе чии фустани или костими ги облекле само за матурските и им стојат во плакарите,  да бидат хумани и да ги донираат во школото, бидејки има ученици кои неможат да си дозволат свечена гардероба за време на матурските. Паралелно од училиштето апелираат и до бутиците да се вклучат во ова акција која ја насловија ,,Подари , израдувај некого’’

,, Драги поранешни ученици и сите хумани и добри луѓе. Во пресрет на матурската вечер , која за секој матурант е многу важен и убав настан, имајќи ги во предвид тешкото и кризно живеење, учениците од нашето училиште започнуваат акција со име “Подари ,израдувај некого” за сите оние кои немаат можност да си дозволат скапи, свечени тоалети за матурската вечер. Сите знаеме дека матурскиот фустан или костум може само еднаш сме го облекле и нú стои во плакар. Убаво би било да го подариме на некој/а матурант/ка и да му ја/го разубавиме денот на полнолетството. Ги покануваме и сопствениците на бутици кои се во можност да подарат и тие нешто од својот асортиман. Сите заинтересирани можат да нú се обратат со порака во инбокс или директно во училиштето,, стои во ФБ објавата на СОУ Никола Карев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.