Д-р Патрик Матх специјaлист интернист, избран за Претседател на Советот на Општина Гевгелија

1324

Д-р Патрик Матх лекар специјалист по интерна медицина и носител на советничката листа на ВМРО ДПМНЕ на последните локални избори  е избран за Претседател на Советот на Општина Гевгелија.  Тој на денешната втора седница доби поддршка од 11 гласови. Д-р Матх се заблагодари на довербата и изрази надеж дека заеднички и со добра соработка и залагање на сите советници, Советот на Општината ќе придонесе за интересите на граѓаните.

Како што објави Телевизија Нова, Д-р Матх една година работел во одделението за хемодијализа во Општата болница во Гевгелија, каде неговиот татко Ромео Матх е раководител.  Една година работел во диабет центарот, па во Итната медицинска помош и две години како матичен лекар во Богданци. Во моментот работи во Општата болница со проширена дејност во Гевгелија, каде покрај амбулантските интернистички прегледи, заедно со помладиот свој колега доктор Блажо Чочков, раководат со модуларната Ковид болница.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.