Струмичанецот Горан Пандев доби признание за спортска легенда на годинашново издание на Златна Буба Мара на популарноста што се одржа синоќа во Скопје во СРЦ Јане Сандански. Тој минатата година се прости од фудбалската кариера и се смета за најзаслужен за историскиот пласман на Македонија на последното Европско Првенство – натпреварување каде и постигна гол што впрочем му беше и сон.
Пред да му биде доделена статуетката за „спортска легенда“ на синоќешата ,,Златна Буба Мара на популарноста„ Пандев беше најавен од Игор Џабазов со песна…. ,,Сакам да сум Горан Пандев по струмички Гочето….“ при што публиката од цела сала стана и со аплауз го поздрави идентична слика откако Горан го доби признанието .
,,Чест и задоволство ми е што сум меѓу Вас на ова манифестација. После 8 месеци пензија адреналинот ми се врати оти има толку многу публика. Ви се заблагодарувам на поддршкта. Сонот ми се исполни со пласманот на ЕП, сон во кој сеуште живеам. Ви Благодарам од срце на сите. Напред Македонија“, кажа Горан Пандев по добивањето на статуетката
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
