Полициски службеници од Полициската станица за безбедност на Струмица откриле четири лица кои синоќа вршеле јавен превоз на патници без соодветна документација. Првиот случај бил откриен на булеварот „Гоце Делчев“ во Струмица при контрола на автобус со струмички регистарски ознаки, сопственост на правно лице од Струмица, а управуван од Н.Б.(37) од с.Велуса, струмичко. При контролата било утврдено дека автобусот вршел јавен превоз на патници без соодветна документација, а исто така биле затекнати повеќе патници од дозволениот број на патници кои може да се превезуваат.
Останатите три лица биле откриени на магистралниот пат Струмица-Радовиш. Полицијата извршила контрола во три патнички моторни возила со струмички регистарски ознаки. При контролата било утврдено дека лицата Н.В.(27) од Струмица, А.Д.(38) од село Дабиле, струмичко и И.Ц.(42) од Струмица со возилата вршат јавен превоз на патници без соодветна документација.
По целосно документирање на случаите против возачите ќе бидат поднесени соодветни пријави.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
