Општина Струмица најави прекршочни за кафулињата и дуќаните кои узурпираат јавен простор а немаат одобрение

207

Општина Струмица изминативе денови опоменила над стотина правни и физички лица, корисници на јавен простор да си извадат одборенија од Секторот за урбанизам при општината за користење а оние што имаат да се придржуваат до параметрите кои се пропишани со законска регулатива. Вака соопшти овластениот комунален инспектор на општина Струмица Љупчо Ташевски кој најави дека наредниот период повторно ќе се прави контрола односно инспекторите ќе бидат на терен за да увидат дали деловните субјекти но и физичките лица имат одобренија и дали отстапуваат од параметрите за користење на јавен простор.

,,Комуналните инспектори во изминатиов период вршеше превентивни надзори на сите правни и физички лица во моментот кога користат јавни површини и им е дадено усна опомена да си набават одобренија и да се придржуваат кон параметрите кои се зададени во тие одобренија. За тие кои во наредниот период ќе биде констатирано дека не ги почитуваат законските обврски ќе следуваат прекршочни мерки согласно Законот за јавна чистота’’, кажа комуналниот инспектор Ташевски.

Според него сите угостителски објекти кои гравитираат во централното градско подрачје биле опоменати. Опомени добиле и дуќаните кои користеле јавен простор да ја изложат својата стока. Дел од нив поднеле барања да го регулираат статусот за користење на јавната површина.

,, Согласно програмата за поставување урбана опрема која е донесена од општината, како урбана опрема се смета маси столови и настрешниците од отворен тип. Се што е од затворен тип се сметаат за градба и согласно тоа градежната инспекција си води постапка,, подвлече Ташевски

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.