Општина Ново Село набави мобилна амбуланта, ќе се нудат здравствени услуги по селата

2322

Жителите од населените места во општина Ново Село кои се оддалечени повеќе километри од општинскиот центар, наскоро ќе добиваат примарна здравствена заштита во своите места. Општината заедно со младинското здружение ,,Феникс’’, преку прекуграничен проект набавија специјално амбулантно возило со медицинска опрема кое секојдневно ќе оди по населените места и на жителите ќе им се нудат превентивни здравствени услуги. Станува збор за проектот,, Мрежа за примарна здравствена заштита,, кој Ново Село и Феникс го реализираат со грчката општина Ираклеа и Инситутот ,,Демокритос’’.

,,Имаме населени места кои се со планински карактер и луѓето немаат пристап до до примарна здравствена заштита. Со овој проект набавивме две специјални амбулантни возила кои ќе бидат налик како мобилни амбуланти, едно возило на македонска и едно на грчка страна со кое медицински тимови ќе одат по населените места за да пружат здравствена заштита. Луѓето од населените места однапред ќе бидат запознаени дека возилото ќе престојува во нивното место и по свој избор може да се прегледуваат,, ни изјави Туше Стојанов координатор на проектот

Услуги од примараната здравствена заштита преку проектот ќе се даваат во наредните шест месеци. Ќе бидат ангажирани двајца лекари, медицинска сестра , социјален работник, возач и ИТ инженер кои ќе одат по селата. Медицинската опрема во возилото вклучува апарати за мерење крвен притисок, спирометар, инструменти за мерење шекер, триглецириди и холесторол во крвата, оскиметар, два типа на ЕКГ и ЕХО ултразвук.

Деновиве општина Ново Село и младинското здружение ,,Феникс’’ ги почнаа работилниците за едукација на месното население за значењето на овој проект но и начинот на функционриање на мобилната амбуланта. По завршување на проектот, мобилната амбуланта и опремата ќе бидат ставени во функција на јавното здравје.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.