Во наредниот период во општина Валандово треба да отпочне постапката за замена на сегашното со ново улично осветлување кое ќе биде енергетски ефикасно со ЛЕД светлики. Првиот човек на општината Перо Костадинов го потпиша договорот за јавно приватно партнерство со ЕСКО компанијата – ИЦС Системи која во наредните години ќе треба да се грижи за уличното во ова општина.
Како што објави градоначалникот на Валандово Перо Костадинов станува збор за инвестиција која ќе треба да го замени сегашното старо и дотраено улично со ново економично кое ќе придонесе за заштита на животната средина. При тоа нема да се потрошат општински пари а новото улично ќе се отплаќа од заштедите што ќе се прават а по извесен период општина ќе го добие.
,, Во општина Валандово, предвидена е замена на 1800 сијалични места низ населените места во општината, намалување на емисиите на штетни стакленички гасови за 424,6 тони годишно и зголемена заштеда на средства за околу 50%. Финансирањето, изведбата и гаранциите за имплементацијата на проектот ќе ги сноси ЕСКО компанијата, која е избрана по јавниот оглас, додека пак ануитетот кон ЕСКО компанијата, општината ќе го плаќа исклучиво од заштедата на енергијата со месечни ануитети до реализацијата на договорот, без зголемување на цената за јавно осветлување. По истекот на договорот, целата заштеда на енергија и опремата остануваат во сопственост на општината,, објави градоначалникот Перо Костадинов
Со овој договор за јавно приватно партнерство се очекува и комплетна замена на јавното осветлување на плоштадот во Валандово каде ќе биде заменета целата инсталација но и сегашните светилки со нови енергетски ефикасни со што централното градско подрачје ќе добие далеку поурбан и помодерен изглед
,,Со договорот, компанијата е обврзана да ги промени уличните светилки низ општината, со високо квалитетни, модерни и енергетско ефикасни светилки. Реализацијата на проектот започнува наредните денови и преку истиот општина Валандово ќе обезбеди значително намалени издатоци за сервисирање и трошоци за електрична енергија, на долг рок. Со ова, општина Валандово ги следи позитивните примери од ЕУ и регионот, каде енергетската ефикасност донесува корист на повеќе нивоа, како за граѓаните, така и за економијата,, напиша градоначалникот Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
