Општина Богданци изработува техничка документација за да се гради атмосферска канализација и се спречат поплави

603

Општина Богданци ја ангажираше ,,Хидро градежен инженеринг’’ за изработка на комплетна техничка документација за атмосферска канализација во општинскиот  центар.  На распишаната јавна набавка скопската фирма понуди најниска цена за да ја изработи документацијата како главен предуслов за да се гради канализација за прифаќање на атмосферските води.

Како што објави општината на својата веб страна, вкупната вредност на договорот изнесува 1.401.085,00 денари, од кои 1.000.000,00 денари ќе исплати Министерството за животна средина и просторно планирање, а остатокот од 401.085,00 со вклучен 18% ДДВ ќе го исплати Општина Богданци.

,,Хидро градежен инженеринг’’ има рок од 6 месеци да ја подговки комплетната документацијата што значи изработка на проект за инфраструктура и негова ревизија, како и изработка на основен проект и ревизија на истиот за 25-ти мај, Гегова река, Медурска и Љокова река.

,,Со оваа техничка документација ќе биде предложено решение за прифаќање и одведување на атмосферските води во Богданци кои при обилни врнежи се зголемува нивното количество и истите прават оштетувања на инфраструктурата и домовите,, информираат од општината

Парите, општина Богданци ги доби по распишаниот конкурс на Министерството за животна средина и просторно планирање за проектот „Изработка на комплетна техничка документација за атмосферска канализација за град Богданци“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.