Од понеделник земјоделците може да точат зелена нафта на картичка, тие што немаат стасаа новите во ПЕ на МЗШВ

1507

Земјоделците кои досега имаа картички и користеа зелена нафта, од понеделник повторно може да точат еуродизел на бензинските на Макпетрол. Вака најавија минситерот за земјоделство Трајан Димковски и директорот на платежната агенција Николче Бабовски кои денеска ги донесоа новите картички за земјоделци кои што го стекнале тоа право или пак од било која причина ја оштетиле и не можат да ја користат оваа субвенција од државата.

,,Земјоделците кои имаат картички од лани, ќе можат да точат „еуро дизел гориво“ веќе од понеделник по 10 часот. Исто така и земјоделците кои прв пат годинава стекаа право за добивање на картичка за зелена нафта, веќе од понеделник ќе може да одат во Подрачните единици на МЗШВ и да ги подигнат зелените картички. Во овој период земјоделците имаат најмногу трошоци за гориво затоа што сме во екот на берба, на жетва“изјави директорот Николче Бабовски.

Министерот за земјоделство Трајан Димковски кажа дека право на користење на оваа поддршка имаат сите кои биле корисници на субвенции по Програма 2019- та година. Финансиската поддршка на платежната картичка зависи од големината на површините и земјоделските култури за кои конкурирале земјоделците за субвенции во 2019 година.Лани кофинансирањето на трошоците за набавка на зелена нафта за земјоделска механизација беше 30 %, оваа година поддршката е зголемена на 50%

,,Во овој момент опфаќаме околу 51 илјада земјоделци. Вкупната поддршка за оваа мерка изнесува 224 милиони денари. Ова се сериозни средства кои ги враќаме кај земјоделците токму во време кога имаат и најмногу активности на поле. Со оваа мерка којашто за прв пат ја воведе Владата од минатата година, се придонесува за намалуваме на производствените трошоци, со тоа земјоделското производство е одржливо, а кај земјоделците остануваат повеќе пари“, изјави министерот Димковски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.