Одлуката за рудникот Иловица ќе ја донесеме заедно со граѓаните, кажа премиерот Заев

176

Премиерот Зоран Заев и министерот за економија, Крешник Бектеши остварија средба со граѓаните од Штука, Иловица и од општина Босилово на која ги слушнаа спротивставените мислењa, дилеми, предлози и сугестии поврзани со одлуките кои треба да се носат за рудникот за бакар и злато.

Премиерот Заев посочи дека при носењето на одлуките се води сметка за здравјето на граѓаните и тоа е првиот приоритет од којшто нема да има отстапки и дека на оваа информативна средба нема да се носат одлуки туку ќе се слушнат дилемите, размислувањата и ќе се споделат фактите и аргументите.

Во тричасовната информативна дебата премиерот Заев и министерот Бектеши ги слушнаа размислувањата, дилемите и аргументите на граѓаните, одговараа на прашањата и ги споделија и фактите, деталите и аргументите околу одлуките и порачаа дека на крај одлуката ќе се донесе заедно со граѓаните.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.