Огромен интерес за профилот медицински сестри во СОУ ,,Димитар Влахов’’- ќе има квалификациски тест за прием

906

По првиот уписен рок ќе има квалификациско тестрирање за прием во прва година во СОУ ,,Димитар Влахов’’ во Струмица за образовниот профил – медицинска сестра. Таму за потребните 34 места се пријавиле повеќе ученици кои имат ист број бодови од завршеното основно образование, па според правилникот за упис мора да има тестирање на кандидатите од страна на комисија од Министерството за образование.

,,Во здравствената струка за профилот медицинска сестра, примени се само тројца ученици, додека за 31- то слободно место ќе полагаат вкупно 35 ученици кои имат ист број бодови а се пријавиле за овој образовен профил. Квалификационо тестирање ќе биде на 21 јуни по предметите биологија и хемија,, информираа од училиштето

Во ова училиште СОУ,,Димитар Влахов’’ за останатите струки со образовни профили има слободни места за уште 189 ученика. Во СОУ ,,Јане Сандански’’ слободни места има за уште152 ученика, додека во СОУ ,,Никола Карев’’ места има за уште 292 ученика за прва година.

Најслаб интерес по првиот уписен рок во трите средни училишта во Струмица има за тригодишните образовни профили. Второто пријавување и запишување на учениците ќе се врши на 24 и 25 јуни, а резултатите од запишувањето и слободните места ќе се објават на 26 јуни 2019 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.