Не користи петарди – полицијата со превентивна активност во училишта во Ново Село, Колешино и Радовиш

175

Отсекот за превенција при Секторот за внатрешни работи Струмица денеска спроведе превентивна активност на тема – “Не користи пиротехнички средства“ со учениците од шесто до деветто одделение од основните општински училишта “Видое Подгорец“ во село Колешино и “Мануш Турновски“ во Ново Село, струмичко.

Преку наменски подготвена видео презентација полициските службеници ги запознаа учениците со опасностите и последиците од незаконската употреба на петардите и другите пиротехнички средства. Исто така децата беа информирани и за казнените одредби со кои се предвидува санкционирање на лицата кои употребуваат петарди и други пиротехнички средства, а беа поделени и едукативни печатени материјали изработени во соработка со УНДП.

Покрај ова, денеска, а во рамки на подрачјето на надлежност на СВР Струмица, и полициски службеници од Одделението за внатрешни работи Радовиш реализираа превентивна активност на истата тема околу злоупотребата на пиротехнички средства со ученици од седмо и осмо одделение од основното општинско училиште “Крсте Петков Мисирков“ во Радовиш.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.