Околу 220 килограми ајвар приготвија на лице место домаќинките од Општина Босилово во рамките на втората ајверијада која има за цел да го потикне и промовира производството на црвена пиперка и сите специјалитети што може да произлезат од неа. Тие ги запалија печките уште рано наутро на кои се испекоа околу половина тон пиперки. Се правеше разновиден ајвар. Некои домакинките приготвуваа лут некои благ по рецептите на своите баби, мајки тетки.
,, Тајната е во марифетот и лубовта на сите кои се вклучени во правењето ајвар. Тоа е тежок процес но ако сакаме вкусен специјалитет, се исплаќа. Потребни се добри, квалитетни струмички пиперки, модри патлиџани, зејтин и многу љубов. Се печат, љупат и се прже ајварот а соодносот што колку е тајна на секоја домаќинка,, објаснуваа жените кои беа покрај печките во Босилово
Стотици посетители беа дел од втората Ајверијада во Општина Босилово. На голем број штандови гостите имаа можност да си купат и мед, зеленчук, домашни преработки, сирење, вина, пијалоци а уживаа и во музичката програма. Пред посетителите настапија групата Мелос и Ленче и Горан Кукиќ кои ги разиграа пристуните на училишното спортско игралиште.
,, Наша интенција е да го промовираме овој регион препознатлив по црвените пиперки но и посетителите изворно да се информираат како се прави ајвар на домашен и традиционален начин. Сакаме едноставно да направиме врска меѓу производителите на црвени пиперки од нашата општина со потенцијални купувачи но и мали и семејни фирми кои произвдедуваат специјалитети од црвени пиперки но и традционална македонска храна,, кажа градоначалникот на Босилово Ристо Манчев
Годинава атракција беа членовите на ,,Бекстејџ групата“ која на лице место пржеа чварки а и испекоа прасе. Тоа го правеа мажите а нивните сопруги донесоа зелници, баници и слатки. Таму се приготвуваше и тавче гравче, разновидни салати со цел да се презентира локалната храна по која е познат струмичкиот регион. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
