Млади до 35 години од Општините Струмица, Василево Босилово, Ново Село но и од Гевгелија и Богданци може да добијат грант до 300 илјади денари за отпочнување свој бизнис во рамките на проектот Your Job што го имплементира Македонски Каритас. Но за да го добијат овој грант младите на возраст од 18 до 35 години ќе мора да бидат дел од работилницата за претприемништво што ќе се реализира на 16 17 и 18 декември.
,, Услов за добивање на неповратните средства за започнување свој бизнис е да бидат дел тренингот за претприемништво. Тогаш планираме околу 25 млади да се едуцираат и ќе имаат можност да развијат вештини и да стекнат знаења како да изработат бизнис план, како да започнат но и да го водат“ се вели во повикот на Македонски Каритас
Верица Ангеловска и Александар Младеновски од Струмица веќе неколку месеци во рамките на овој проект праваат мост на поврзување на младите со реалниот сектор. На поголемиот дел со индивидуален пристап имаат помогнато во вработување. Според нив инвестирањето во неформалното образование е клучен сегмент во оснозннавањето на професионалните компетенции кај младите личности кои мора да се прилагодуваат според потребите на пазарот
Пријавата за да бидете дел од тренингот и да велзете во потесниот круг за добивање пари е ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
