МВР со детали за сообраќајката кај Гевгелија во која загинаа двајца моторџии од Струмица

2195

МВР  информираше за вчерашната сообраќајка на автопатот кон Гевгелија кај Мрзенци во која загинаа жители населените места Добрејци и Робово струмичко. Според соопштението, двајцата моторџии во сообраќајката излетале надвор од коловозната лената на спротивните страни.

,, Вчера околу 13:20 часот на автопатот Велес – Гевгелија на коловозната лента во правец од клучка „Смоквица“ кон клучка „Гевгелија“, се случи сообраќајна несреќа помеѓу моторцикл „Сузуки 600“ без регистарски ознаки управуван од А.Ѓ. (35) од село Робово Струмица и моторцикл „Сузуки 600 ГН-Р“ со струмички регистарски ознаки, управуван од Ј.Ј. (22) од село Добрејци Струмица. Притоа констатирано е дека А.Ѓ со неговиот моторцикл слетал надвор од коловозната лента на десната страна, а другиот моторцикл управуван од Ј.Ј. слетал на крајната лева сообраќајна лента,, се вели во соопштението од МВР

Смртта кај двајцата воачи ја констатирал  доктор од Итна медицинска помош а увид на лице место извршиле дежурен Јавен обвинител и увидна екипа од ОВР – Гевгелија. По наредба на Јавен обвинител телата на двајцата возачи се пренесени во Институтот за судска медицина во Скопје за обдукција.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.