Радовишката полицијата од слобода лиши двајца радовишани кои ги фати на дело како вршеле нелегална сеча на огревно дрво на планината Плачковица и ги товариле во патничко возило. Лицата биле приведени во полициската станица и по комплетирањето на документацијата против нив ќе биде поднесена соодветна пријава. Како што соопшти МВР, двете лица се на возраст од 25 и 28 години и направиле кривично дело пустошење на шума.
,, Полицијата од слобода ги лиши лицата Ј.Ш. (28) и А.К.Ш. (25) двајцата од Радовиш. Од нив биле одземени дабови огревни дрва, моторна пила и патничко моторно возило ,,Сузуки” без регистарски ознаки во кое биле натоварени дрвата. Лицата се задржани во полициската станица во Радовиш,, стои во информацијата на МВР
Уништувањето на шумскиот фонд на Плачковица не е нов проблем. Очевидци тврдаат дека секојдневно се симнуваат крадени дрва од ова планина, кои потоа се препродаваат на пазарот на црно. Се сече и покрај патот кон туристичкиот комплекс Бел камен. Јавноста бара поголеми контроли од страна на надлежните а притисок кон шумската полиција изврши и првиот човек на општина Радовиш Герасим Конзулов
Минатиот месец полцијата во Радовиш фати и приведе четворица дрвокрадци и против нив се поднесени пријави
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
