Кризниот штаб и ВД Градоначалникот на Ново Село се вклучија во гаснење на пожарот кај Бајково

733

Шумскиот пожар кај Бајково – општина Ново село и понатаму е активен. Според информациите гори нискостеблеста и ретко дабова шума и сува трева, и досега се опожарени околу 15 хектари површина. Пожарот се движи кон Стиник и како што информираше командирот на ТППЕ Струмица Александар Гудев проблем е ветрот  и непристапниот терен

,,Ветрот предизвикува проблеми во локализирањето на пожарот кој е во граничниот појас меѓу Македонија и Бугарија и се шири кон Стиник. Ангажирани се екипи од противпожарната единица но поради непристапноста на теренот истите не се гасат со противпожарни  возила. Во моментов се дејствува координирано со оглед дека се вклучени повеќе институции,, ни изјави командирот Гудев

ВД Градоначалникот на Ново Село Горан Цветков, денеска го активираше и кризниот штаб. Преставници од општината, Јавното претпријатие ,,Комуна’’ Ново  Село со преставници на полициската станица од ова општина и шумското стопанство ,,Беласица,, денеска работеа на терен со цел да се локализира пожарот а според објавените фотографии учествувал и Цветков

,,Екипите се сеуште на терен и се борат со огнените стихии кои го зафатија овој предел, во меѓувреме е побарана помош од Центарот за управување со кризи,, информираа од општина Ново Село од каде бараат авиони за гаснење за да се локализира пожарот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.