Костадинов ги објави најважните проекти за 2022, Струмица го донесе Буџетот за идната година (видео)

766

Буџетот на општина Струмица за идната година ќе тежи милијарда 340 милиони денари од кој 47% се блок дотации од државата. Основниот Буџет  ќе изнесува 652 милиони денари и според градоначалникот Костадин Костадинов тој претставува граѓански развоен Буџет во кој се вклучени сите потребите на струмичани искажани преку директните средби или преку буџетските форумски сесии каде се изгласаа три приоритетни проекти.

Како што подвлече градоначалникот Костадинов 126 милиони денари пари кои се наменски на основната сметки, ќе се наменети за започнување на проектот ,,Нова социјална населба во турската маало,, што преставува еден од поголемите проекти за идната година.

,,Освен започнување со изградба на Социјалната населба во Турското маало, изведба на новиот булевар „Братство Единство“ кон Агро берза  каде што ќе се гради новиот градски пазар, изградба на нов ученички дом во СОУ „Димитар Влахов“, самохраните родители ќе бидат ослободени од плаќање на надоместокот за нивните дечиња во градинките, а дотацијата за секое новороденче  ќе биде зголемена од 3 илјади на 6 илјади денари. Општината директно ќе субвенционира во цената на гасот по метар кубен за домаќинствата од 10 денари со што им се излегува во пресрет на граѓаните во оваа енергетска криза и се влијае и врз намалувањето на загадувањето на воздухот, а ќе се реализираат и многу инфраструктурни проекти, од водоводи, фекални и атмосферски канализации и улици во градот и населените места,, кажа Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.