Конечно почна со работа градинката „Среќни насмевки“ во Босилово која цели две години беше готова и опремена

2763

Конечно почна со работа првата детска градинка во Општина Босилово. Денеска таму беа примени првите дечиња од предучилишна возраст а капацитетот на градинката е вкупно 55 дечиња. Ставањето во функција на градинката ,,Среќни насмевки“ го означија министерката за труд и социјална политика Јованка Тренчевска и градоначалникот на Босилово Рист Манчев. Станува збор за градинка која почна да се гради во 2019 година а во 2021 година тогашниот премиер Зоран Заев и миниситерката Јагода Шахпаска соопштија дека е готова и опремена градинката. Но заради добивање согласности за вработување, конечно денеска почна со работа првата градинка во Босилово .

„Градинката „Среќни насмевки” e изградена и опремена со средства обезбедени од Министерството за труд и социјална политика во износ од 14 милиони денари во градежниот дел и околу 2.5 милиони денари во опремување. Таа е изградена согласно најсовремените стандарди за објекти од оваа намена и овозможена е едукација на најмладите преку методот учење преку игра” истакна Тренчевска во своето обраќање.

Првиот човек на Босилово потенцираше дека е многу важно отворање на детски градинки во руралните средини кои се од исклучителна важност за социјализација и еудкација на децата од руралните средини. Со ова се отвора и можноста за превземање на градинката од Моноспитово под надлежност на ЈОУДГ ,,Среќни насмевки“ од Босилово.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.