КК Струмица со убедлива победа над стружани ја почна Втората лига

560

Кошаркарите на Струмица со победа од 103:68 против Црн Дрим од Струга го  стартуваа првенството од Втората лига. Во спортската сала Парк избраниците на Зетов и Цикарски имаа апсолутна доминација во играта и резултатот и во ниту еден момент не им беше загрозена победата.

Струмичани стартуваа претпазливо. Првиот период го добија со пет поени разлика (29:24) но во втората четвртина успеа да направат двоцифрена предност откако го добија со 18:8. Гостите иако се обидуваа со шутот од три кој им одеше, резултатски да се приближат не им успеваше. Третиот период домаќините повторно доминираа и го добија со 29:18 а последните 10 минути ги завршија со плус 9 за струмичани за конечни 103:68

Најефикасни кај струмичани беа  Зетов со 18, Ѓеоргиев 17, Стојановски и Мелов со по 13, Костадинов 11 и Ахтаров со 10 поени. Свој белег на мечот оставија и Шајкаров, Димитриев, Абрашев и Зимбаков.

Првото од Втората кошаркарска лига која брои 12 екипи се комплетира утре со останатите мечеви.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.