Кај Ѓавато запалил оган на нива и се задушил, во Ораовица гореле 120 тополи, ДЗС со апел – огнови на отворено не !

352

Во атарот на селото Ѓавато кај Богданци вчера било пронајдено мртво тело на старец кој по идентификацијата се констатирало дека станува збор за 78 годишниот Б.В. од селото Ѓавато. Неговото тело било пронајдено на нива на месноста викана ,,Парагон”каде по  преземените мерки било утврдено дека Б.В. починал како последица на загушување од чад од оган кој тој го запалил во нива. По наредба на Јавен обвинител, телото на починатиот било предадено на семејството

Во Радовиш пак жител од Ораовица,  во полицијата пријавил дека му се опожарени 120 стебла канадски тополи.  Имено сопственикот пријавил дека деновиве во периодот од 13 до 17 март имало пожар на нива во месноста викана ,, Долни лаки,, при што му се опожарени засеаните канадски тополи и му била предизвикана значителна матријална штета

Поради зачестените полски и шумски пожари деновиве, Дирекцијата за заштита и спасување упатува апел и предупредување до сите кои работат или се движат на отворен простор да не палат огнови. Апелот посебно се однесува на земјоделците кои интензивно се подготвуваат за пролетната сеидба и ги чистат и палат отпадоците и стрништата на нивите. Апелот се однесува и за оние кои се движат и работат во шумите, на излетниците, но и на сите граѓани, зашто доволно е само мала искра за да се потпали сувата трева или околната нискостеблеста вегетација.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.