Надежите на струмичкиот РК Астраион овие денови учествуваа на вториот меѓународен турнир што го организираше РК Пирин 64 од Гоце Делчев од Бугарија. Станува збор за ракометен турнир за деца родени 2005 и повозрасни а на кој учествуваа екипи од Бугарија, Македонија и Грција.
Децата на РК Астраион беа најмали на турнирот и покажаа дека може да се носат со повозрасни деца презентирајки ја работата на струмичката ракометна школа. Како што не информираа од струмички ракометен прволигаш станува збор за дечиња родени 2007 и подоцна кои во земјава ке се натпреваруваат во кадетската лига. Со играта што ја покажаа на турнирот ,,Атанас Карабељов” во Бугарија, струмичките надежи воопшто не разочараа но немаа доволно среќа да се вмешат за првите места.
Кире Ѓеоргиев, Мишел Јовановски, Андреј Гогов, Митко Ефтимов, Панче Коколански, Тимче Ѓоргиев се дел од имињата од кадетскиот состав на РК Астраион кои напролет се очекува да бидат дел и од првиот тим.
На турнирот РК Астраион изгради и мостови за соработка со останатите пет екипи што настапуваа на турнирот во Бугарија со цел во иднина да се одигруваат повеќе пријателски натпревари
![](https://drnka.mk/wp-content/uploads/2022/10/311945473_768310287591041_5868765370963541610_n-1024x692.jpg)