И Чак Норис испаничен, затоа медиумите не смеат да шират паника и лаги во ова време, ново видео на Мултус од Гевгелија

1825

Граѓанското здружение ,,Мултус’’ од Гевгелија објави ново видео во рамките на проектот ,,Сите вистини на веста’’ и предупредува дека во ова чувствително време на пандемијата со коронавирус се шираат секакви вести и информации на кои не треба да им се верува. Според ова здружение, дел од вестите на интернет предизвикуваат паника и шират лаги во врска со домашни лекови како превенција од вирусот Ковид 19 на што наседнал дури и Чак Норис.  Во комичното видео изработено од продукцијата ,,Диверзија’’ –  Мултус од Гевгелија апелира да се верува единствено на вести потпишани од автор и кои доаѓаат од релевантни институции.

,,Во вакво чувствително време, кога здравјето е најважно и се трага по лекот и вистината за вирусот, ширењето дезинформации за домашни лекови, измислени заговори и манипулации, ја тера публиката на паника, панично купување вишок продукти, панично однесување и конзумирање намирници со мисла дека се лечат или заштитуваат. Сето тоа создаваат недоверба во единствените мерки за заштита.  Дезинфомирањето е казниво со закон, и голем дел од “медиумите” кои ширеа невистини и паника веќе се во правни постапки. Во видеото е земен Чак Норис како бестрашен лик, веќе испаничен од сѐ што чита и не знае веќе на што да верува. Медиумите имаат моќ која не треба да ја злоупотребуваат,, ни изјави Лиле Танчева од здружението ,,Мултус ’’ од Гевгелија

,,Сите вистини на веста’’ е дел од проектот  на “Критинк”, финансиран од Европската унија, а спроведуван од фондација ,,Метаморфозис’’ и Еуротинк – Центар за европски стратегии кој има за цел да ги навикне читателите да ги препознаат вистинските вести но и критички да размислуваат кон информациите кои се пласираат во јавноста, Медиумски партнери на Мулутс се  Радио Тајм ФМ и Телевизија Нова од Гевгелија како и информативниот портал Дрнка.МК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.