За 7 месеци жителите на Лубница од Општина Конче ќе добијат нов и функционален Дом на Култура

753

Екипа на градежната фирма Пешо Инженеринг од Струмица ја отпочна постапката за реконструкција на Домот на Култура во населеното место Лубница во општина Конче. Станува збор за објект со површина од околу 150 квадратни метри кои според условите на тендерската документација треба да добие  нов лик и функционалност.

Станува збор за проект кој го реализира Центарот за развој на Југоисточниот плански регион со средства од Бирото за регионален развој. Целата реконструкција ќе чини 69 илјади евра. Според техничката спецификација целосно ќе се смени кровната конструкција со громобранска инсталација, објектот ќе добие нови ѕидови, подови и плафон.  Ќе биде изведена и нова електрична инсталција, водовод, канализација и санитарија а објектот ќе добие и пвц столарија.

Паралелно се планира и уредување на просторот околу објектот при што се планирани дрвени клупи и корпи за отпадоци а ќе бидат заселени и повеќе садници зимзелени и листопадни дрвца.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.