За последните 24 часа дури 180 лица заболени од коронавирус, нови позитивни во Гевгелија и Валандово, објави Филипче

2577

Во последните 24 часа се направени 1272 тестирања, а регистрирани се 180 нови случаи на ковид-19 објави министерот за здравство Венко Филипче на неговата ФБ страна. По градови најмногу има во Скопје дури 109 лица. Во Куманово 26, Штип 15, Тетово 12, Гостивар 8, Гевгелија, 2, Дебар, Струга, Велес, Битола, Валандово Св. Николе, Охрид и Битола по едно лице

На Клиниката за инфективни болести и фебрилни состојби почина пациент од Куманово на 52 години години, лекуван на клиниката од 30 мај. Во ГОБ „8 септември“ почина пациентка од Скопје на 68 години, хоспитализирана на 29 мај.

Денеска Институтот за јавно здравје регистрира 11 оздравени пациенти.

Досега во земјата се направени вкупно 34386 тестирања на ковид -19. Од вкупниот број направени тестови во изминатото деноноќие 16 теста се во рамките на скринингот во градинки во Штип, нема позитивни резултати на ковид-19.

Вкупната бројка на ковид дијагностицирани во нашата земја од почетокот на епидемијата изнесува 2790, бројката на оздравени пациенти е 1632, на починати е 149, а во моментов бројот на активни случаи во земјата изнесува 1009.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.