Заради пандемијата со коронавирус се потешко оди пласманот на пролетната зелка во странство, тврдат откупувачите

2566

Поради светската пандемија со коронавирус, пласманот на пролетната зелка на пазарите од поранешна Југославија но и кон земји од источна и средна Европа се потешко оди. Трговците од струмичко кои го почнаа откупот, велат дека традиционалните пазари почнаа да откажуваат или да ги минимизираат договорените количини кои требало да ги увезат.  Блажо Витанов тврди дека последните неколку дена само од неговата фирма која се занимава со откуп и извоз на зеленчук се откажани неколку камиони

,, Ситуацијата е затегната насекаде и се менува од ден на ден бидејки сите држави имат воведени одредени мерки кои се одразуваат на потрошувачката. Едноставно нашите партнери тактизираат и ги намалуваат увозните количини заради неизвесноста што ќе се случува во иднина.  До пред 3-4 дена извозот одеше добро, но сега многу тешко. Еве лично за мојата фирма минатата недела имам извезено околу 250 тони зелка а нарачките за ова недела ми ги откажаа. Од 10 камиони само два излегоа од земјава. Соработувам со партнери од Хрватска, Чешка, Полска, но генерално тешко оди ’’, изјави Блажо Витанов кој чека позитивни сигнали од партнерите за пообемен откуп

Инаку во струмичко има откуп на пролетната зелка. Во населеното место Пиперево од  петте откупни пункта работат и откуп вршат само два. Во моментов цената е околу 25 денари, но со оглед дека станува збор за првите произведени количини, земјоделците стравуваат што и како понатаму.

,, Цената е задоволувачка но генерално постои опасност со овој коронавирус. Еве во нашето село има камиони од Украина кои чекат да се товарат. Но сеуште не е почната експанзијата со бербата и допрва се очекува зголемена понуда со производство. Иако произведуваме храна која ќе се бара, сепак стравуваме како ќе биде ова откупна сезона пред се заради пандемијата,, ни изјави Кире Гонев земјоделец од Пиперево

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.