Во Декември ќе биде готов одводниот канал во Моноспитово, вели градоначалникот на Босилово Манчев

267

До средината на Декември треба да биде готов бетонскиот одводен канал што Општина Босилово го реализира во населеното место Моноспитово. Станува збор за канал во должина од  500  метри кој треба да овозможи одведување на атмосферските води од центарот на населеното место Моноспитово. Целата инвестиција чини 73,4 илјади евра а овој проект го работи Џови Компани од Мокрино кој по распишната јавна набавка и на електронската аукција достави најдобра цена во конкуренција од 8 фирми кои покажаа интерес да го реализираат овој проект.

,, Се надеваме дека до средината на Декември ќе биде готов овој одводен канал. Станува збор за канал за кој честопати реагираат жителтие на Моноспитово со оглед дека тој беше обраснат со треви и џбунови и не ја вршеше основната функција и не ретко доаѓаше до излевање при пообилни дождови. Сега со реализацијата на овој 500 метарски одводен канал од центарот до излезот на селото решаваме еден витален проблем. Од една страна поестетски изглед на целиот тој потег а од друга страна спречуваме можни поплави,, ни изјави градоначалникот на Босилово Ристо Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.