Градиме можности за напредок, вели градоначалникот Костадинов кој е во работна посета на ЕП во Брисел !

372

Како дел од меѓународната соработка на општина Струмица, на покана на Европратеникот и известувач за напредокот на Република Северна Македонија во Европската Унија,  Илхан Ќучук, од денес, делегација од општина Струмица предводена од Градоначалникот Костадин Костадинов е во работна посета на Европскиот Парламент во Брисел.

Во рамки на посетата, Градоначалникот Костадинов со делегацијата составена од  Александар Оџаков, Секретар на општина Струмица, Марјан Даскаловски, Претседател на Советот на општина Струмица и  Александар Ненчев, Советник во општина Струмица, ќе реализираат серија средби со претставници на Република Бугарија и на Мисијата на Република Северна Македонија при Европскиот Парламент.

„Градењето на силни и трајни односи меѓу народите значи можност за напредок, размена на искуства, поддршка и промоција на локалниот економски развој и градење на заедници во кои почитта, мирот и стабилноста имаат приоритет. Токму ова е приоритет и за нас, како општина со карактеристична гео-положба. Во оваа насока, во духот на пријателството и добрососедството, а сѐ во интерес на жителите на општина Струмица, продолжуваме да работиме на продлабочување на односите со соседна Бугарија.“ – изјави Костадин Костадинов, Градоначалник на Општина Струмица.

Преку реализацијата на посети и средби од ваков тип, општина Струмица продолжува да работи во насока на развој на односите со меѓународната заедница и идентификација на потенцијалите за соработка за прашања од заеднички интерес од различни сфери.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.